History

---

 

HISTORY OF TE KURA O TE WHATA TAU Ō PŪTAUAKI

 

---

Ko te kura i mua ake i a Te Whata Tau ō Pūtauaki, ko Kawerau North School. Ko Barnett Vercoe te tumuaki o te kura i tērā wā. Nō te 1999, ka whakaurua mai te rūmaki ki roto i tō mātou kura. Engari i te tau 2011, ka whakakotahihia e te minita o ngā take mātauranga o te wā, ētahi kura e toru i te rohe nei o Kawerau. Ko aua kura ko te Kawerau Central, ko te Kawerau Intermediate, me tō mātou ake kura a Kawerau North School. 

Nā whai anō, nō mua i te tau 2012, ka whakaarahia ake e ngā whānau o te kura nei, me ngā kaimahi o te wā, a Ripeka Lessels, a O’Sonia Hotereni mā, a Rawiri Mataio mā, me ngā pouarahi pēnei i a Te Orohi Paul mā, i tīmata ki te whakaara i te whakaaro kia whakatūngia tētahi kura Māori. I taua wā anō, ko tētahi o ngā koroua i te ora tonu i taua wā, ko Te Kihi o te Tonga Tārei. Koia tētahi o ngā kaumātua koroua i te ora tonu i taua wā. Nā whai anō ka noho tahi a Te Orohi rāua ko Hakopa Paul ki te taha i ngā whānau o te hāpori nei, ki te whakaara ake i te kaupapa mō te whakatū i tētahi kura Māori. 

Nā roto i ngā mahi o aua tau, ka tutuki i ngā whānau me ngā kaimahi o mua o te North School, te whakaara ake i te kaupapa mō te whakatū i tētahi kura Māori, i hua mai ai te kura-ā-iwi nei, a Te Whata Tau ō Pūtauaki. Nā whai anō, ka tae mai ngā kaumātua me ētahi māngai o ngā kura o te rohe nei, me ētahi o ngā minita o te kāwanatanga, pēnei i a Te Ururoa Flavell mā, ki te whakatūwhera i tō mātau kura a Te Whata Tau ō Pūtauki, i te tau 2012, ā, e tū tonu nei te whakahirahira o tō mātau kura i tēnei wā.